LOVE ♥ LOVE ♥ LOVE

مرحبا جميعا

أني من أكبر المعجبين بالطيور

أحبهم وااااايد

و أستانس عليهم و يا فرحتي لما ألاقي يمي

نسور و صقور ... حليو صوتهم

ما شاء الله شكلهم يدل على أنهم شامخين

و كأنهم لما يطالعوا واحد ... يقولوا : نعم اش تبي ... على بالك أمزح وياك

أني لما كنت صغيرة دائما كنا نربي في البيت صقور و لا أخاف منهم

على طول أروح ألعب وياهم  ... و أسولف معاهم و أمسكهم و أمسح عليهم

أبدا ما خفت منهم

و أكثر شيء أحبة من الطيور ... الببغاوات

يأسروا قلبي ... أحب تدريبهم

و هم يحبوني بعد

كل الطيور ودي أعطيهم بوسه

علشان شدي يا أحبتي ... حبيت أسوي لي  طيور الحب

و من منا لا يحبهم ...

طبعا هذي مو أول مره أسوي طيور 

لي موضوع ثاني عن طير جميل سويته سابقا 

اللي يحب يطلع عليه ... هذا هو الرابط 

fly away

اما الآن  سويت أنثى و ذكر

الأنثى صغيرة باللون الأخضر و الذكر كبير شوي و هو باللون الأزرق

و الآن ننتقل  إلى الصور

بااااااااااي 

Mini Maple Chocolate Chip Pancake Muffins

مرحبا جميعا

أتيت و معي وصفة جديدة و بسيطة جدا

شكلها جميل و حجمها صغير

لما خلصت من خبزها و طلعتها من صينية الخبز

أذهلني شكلها ... طلعت تشبه المشروم اللي في مسلسلات الكرتون

اما بالنسبة لطعم ... أفتكرت بتكون لذيذة وااايد

لكن طعمها طلع عادي و مو حالية

اللي خلاها فيها طعم لذيذ بنسبه قليلة هو رقائق الشوكلاتة

و الحين عزيزاتي أترككم مع الوصفة

المقادير :

1 كوب طحين /  1 ملعقة صغيرة بيكنغ باودر / نصف ملعقة صغيرة بيكنغ صودا / ربع ملعقة صغيرة ملح / 2 ملعقة كبيرة سكر حبيبات / ثلثين كوب لبن / 1 بيضة / 2 ملعقة كبيرة شراب القيقب / 2 ملعقة كبيرة زبدة مذوبة / نصف كوب رقائق شوكولا بالحليب

الطريقة :

1/ نسخن الفرن بدرجة 350 f

2/ نخلط الطحين + البيكنغ باودر + البيكنغ صودا + الملح + السكر في طاسة متوسطة بواسطة المخفقة السلك

3/ في طاسة أخرى ، نخلط اللبن + البيضة + شراب القيقب + الزبدة الذائبة حتى يختلطوا جيداً

4/ نضيف المكونات السائلة للمكونات الجافة ونحرك بواسطة الملعقة حتى يمتزجوا

5/ نضيف رقائق الشوكولا ونحرك

6/ نسكب الخليط بقوالب المافن المدهونة بسخاء بالزيت  وننثر البعض من رقائق الشوكولا على قمم المافن

7/ ندخلهم الفرن ونخبز لـ 8 – 9 دقائق

8/ ندع المافن ليبردوا بهدوء ثم نزيلهم من قوالبهم

9/ نقدم المافن مباشرة مع الزبدة الذائبة أو شراب القيقب 

بااااااااااااااي 

Adorable friends

مرحبا جميعا

متشوقة جدا بأن أقدم لكم

أحلى دبدوبين ذوات النظرات الجميلة و الطفولية

شكلهم يدخل الفرح في القلب

حبيتهم من كل قلبي

و يا سلام على الألوان اللي في ملابسهم

في منتهى الجمال و الروعة 

في البداية كنت مسوية دبدوب واحد

و لكن من كثرة جمالة قالت لي أختي

اسوي لها واحد ...

طبعا ... و السبب شكلة يجذب الواحد و فيه حنان ( لا سعاد ) ههههههههه

و بلشت اسوي لها واحد و سويت النسخة الثانية دبدوب ضعيف

و لما خلصت الشكل النهائي ... عطيتها اياه

لما خذته طلعت فيه و زعلت  ...

و قالت لي لا ... الدبدوب الأول أحلى و شكله مكتنز

هذا ضعيف ما حبيته  عطيني اللي عندش

قلت لها مستحيل ... خلاص اقبليه

و حاولت أقنعها و أقول لها الفرق ما بينهم

أن الدبدوب تبعي ما يبتسم و الدبدوب تبعش خليته يبتسم

نفس الشيء ما أقتنعت ... و حاولت معاها كذا مره

و في الأخير متأكدة أنها أقتنعت

و الأن عزيزاتي  لننتقل إلى الصور

هذا الدبدوب الثاني اللي سويته ضعيف 

بااااااااااي