مرحبا جميعا
في البداية حابه أقول لكم
نعم رجعت لصنع الكوكيز ( يا كثر حبي له )
دائما ألف و أدور في أختيار وصفه
يديدة
و يا سبحان الله دائما ألاقي ضمن
الوصفات
اللي راح أجرب أسويهم
وصفة يديدة إلى الكوكيز فـــ أقول
يلا خليني أجربها
و أنتو بعد عارفين عدد الكوكيز اللي عرضتهم
في مدونتي وايد وصفاتهم و كل وحده
مميزة
و مختلف طعمها عن اللي سبقتها
المهم ...
هذي الوصفة حبيت أسويها و أشوف وش
تفرق عن الوصفات الأخرى
فــ جهزت المكونات و بلشت الشغل على
طول
و لما وصلت لمرحلة تكوير الكوكيز ...
شقول لكم ... أول مرة أسوي خليط
قوامة شذي
ملمسه ناعم جدا و حليو ... بالصراحة
لا يوصف
أشوي و يطلع صوت موسيقى زي مسلسلات
الكرتون
يعني شيء عجيب ... لازم تجربوا
الوصفة علشان تفهموني
فــ تالي دخلت الكوكيز بالفرن و
أستنيتهم يستوون
و بعدين طلعتهم و خليتهم يبردوا على
راحتهم على شبك التبريد
و الحين أتى وقت التذوق ... ( أقرعوا
الطبول )
ياااااااااااااااااااا
سلاااااااااااااااااااااااااااااام
طعمه لذيذ ... طعم عجيب
أول مرة أسوي كوكيز بهالطعم الخيالي
و لا و حبيته أكثر من أي كوكيز آخر
جربته
سواء كان أني مسويته أو أحد سواه و
عطاني أجرب طعم كوكيزهم
بالصراحة روعه 100 %
و أنصحكم تجربوه وراح يعجبكم
المقادير :
خلاصة فانيلا / 125 غرام زبدة الفول
السوداني الناعمة / 210 غرام
طحين عادي / نصف ملعقة صغيرة بيكنغ صودا / 1 ملعقة صغيرة نشا الذرة / 115 غرام رقائق شوكولا +
زيادة للتزيين
الطريقة :
1/ بطاسة خلط كبيرة ، نخفق الزبدة +
السكر حتى يصبح كريمي وممتزج
2/ نضيف البيضة ونخفق ثم نضيف
الفانيلا ونخلط
3/ نضيف زبدة الفول السوداني ونخلط
4/ ننخل الطحين + البيكنغ صودا + نشا
الذرة فوق الخليط مباشرة ثم نخلط بلطف حتى تتشكل عجينة
5/ نضيف رقائق الشوكولا ونحرك
6/ نغطي العجينة وندخلها البردا لـ
30 دقيقة على الأقل
7/ نبطن صينيتي خبز بورق الخبز
8/ نسخن الفرن بدرجة 180 م / 360 F
9/
نطوي العجينة إلى كور بحجم جيد
10/ نضع الكوكيز على صينية الخبز ،
ندخلهم الفرن ونخبز لـ 10 دقائق أو حتى يصبح الكوكيز باللون البني الذهبي الخفيف
11/ ندع الكوكيز ليتماسك بصينية
الخبز لـ 5 دقائق ثم ننقلهم لرف التبريد حتى يبردوا
12/ نرش الكوكيز بـ رقائق الشوكولا
بينما لا يزال دافئ
باااااااااااااااااااااااااااااااااااااااااااااااااااااااي
ليست هناك تعليقات:
إرسال تعليق