مرحبا جميعا
و لما قررت و خلصت من التفكير
بلشت أشتغل عليه
و لما صار عندي جميع أجزاء الشغل مخلصة
صرت أفكر شلون بصير شكل الكلب عليه
و ضليت محتارة فيه ...
و لما يه وقت تركيب الأجزاء في القلب
صار صعوبة عندي في تركيب الرأس و الأقدام
و خاصة الأقدام يا جماعة كان شيء يعصب
أحلى ما في الامر كان اليد ... وايد حليوة
المهم ... بعدين خلصت من تركيب كل شيء
و كنت في قمة السعادة و مستانسة و فرحانة
و أستعديت لتصوير ... و صورت و خلصت
قعدت أطالع الصور ... اللي في
شيء ناقص في الشغل
أقول لكم في شيء ناقص ... صعقت لما أنتبهت
و أنقهرت و قلت شلون راح عن بالي هالشيء
و يا حلاتي مستانسة و أني أصور
تدرون شنو اللي ناقص في الشغل ؟؟؟
أنتبهتوا عدل ؟؟؟
راح اقول لكم ...
الشيء الناقص هو رقعة القدم البرتقالية
فــ على السريع سويتهم و خيطهم
الحمد لله الحين كل شيء تمام التمام
و صورت للمرة الثانية
و الحين راضية على الشكل النهائي
وااااااااااايد حليو يفرح القلب
و الحين أترككم مع الصور
و هنا الشيء الناقص اللي قلت لكم عنه
بعد ما خيطهم
أتمنى أنه نال على أعجابكم
ليست هناك تعليقات:
إرسال تعليق